Vaknaði úr draumi um hálf ellefu, hálf feginn. Las í hálftíma og datt í hug að það gæti orðið skemmtileg tilbreyting að blogga um daginn. Svona á svipaðan hátt og um logg væri að ræða. Diane….
Heyri í mömmu, hún segir að hún fái engan ruslpóst lengur. Annað hvort eru Google búnir að stilla ruslpóstsíuna eða það eru allir hættir að kaupa Viagra í gegnum tölvupóst.
Kíki á todo listann, Focus, það er inniveður úti. Focus segir: kaupa Boxcutter - Glyphic, taka vikulega rennslið á Focus, æfa mig á gítarinn, lesa kindergarden og 1st grade á babypips.com/school, finna jólagjöf fyrir [ritskoðað], blogga, setja upp testcase fyrir [ritskoðað], heyra í Bíma og Einari, kíkja á stuttmynd í kvöld og gera eitthvað hressandi með Betu þegar hún kemur heim úr vinnunni.
Klukkan orðin hálftólf, tími fyrir morgunmat…. hádegismaturinn verður þá líklegast um 15:00. Ég er svo villtur.
Sótti bunka af polaroid myndum úr geymslu, finna góðar myndir á polaroid vegginn. Fyndið að finna gamlar myndir af Betu.
Klukkan að verða eitt, ég hringdi í Betu og við reyndum að finna mynd í bíó til að fara á. Ekkert spes í bíó. Stefnan tekin á videó.
[ritskoðað]
Leitaði að Glyphic með Boxcutter og sé að Google setur Pirate Bay síðuna fyrir Glyphic í annað sæti í leitarniðurstöðum. Fann svo plötuna (óvarið 320 kpbs mp3 niðurhal) til sölu á Boomkat, en engan lagalista. Leitaði að lagalista fyrir Glyphic á Google, en fann engan þangað til að ég kíkti á Pirate Bay sem voru með hann. Keypti plötuna á Boomkat, þægilegt og einfald kerfi hjá þeim. Hlusta á The perfect beats meðan ég bíð.
Heyrði í Bíma, ætlum að taka hitting annaðkvöld. Bími er með hlutina á hreinu í dag…. sushi og póker.
Er að hlusta á Boxcutter og skrifa, rokkar á milli þess að vera dæmigert dubstep og tilraunakennd raftónlist. Ekki leiðinlegt….
Fékk óvænt boð í kaffi, herra Jón Levy er kominn til landsins, en hann ver annars tíma sínum í Mexikó þar sem hann reynir að gera heiminn aðeins betri.
Er að stúdera forex (candlesticks,trends og patterns).
Var að detta inn ásamt Betu úr eðal kaffiboði hjá Nonna (aka Skermur Lúðviksson) og fjölskyldu, en þar fékk ég mér meðal annars í fyrsta skipti flatköku með hnetusmjör og sultu (peanut butter jelly time ). Við vorum svo södd á heimleið að við létum nægja að kaupa pulsur, en til að halda kúlinu gripum við spelt pulsubrauð… ok?
Kíktum á Svartan Sand (íslensk stuttmynd) með matnum, en var ekki alveg fyrir okkur. Eftir miklar vangaveltur um videógláp kvöldsins var ákveðið að leigja Solaris á hverfisleigunni.
Klukkan er korter gengin í tólf. Við vorum að klára að horfa á Solaris. Ágætis mynd, svona eins og 2001 með ástarsögu-elementi. Verð að sjá Solyaris við tækifæri. Ætla að setja þessa færslu á bloggið og fara upp í rúm og lesa eitthvað hressandi…. góða nótt.